अमेरिकामा कोरोनाबाट मृत्यु हुनेको र संक्रमितको संख्या बढेको देखिएको छ । पछिल्लो २४ घण्टामा अमेरिकामा २ हजार ९० जनाको मृत्यु भएको देखिएको छ ।

अहिलेसम्म अमेरिकामा मृत्यु हुनेको संख्या ७६ हजार नाघेको छ । पछिल्लो अपडेट अनुसार अमेरिकामा ५० वटै राज्यमा गरि मृत्यु हुनेको संख्या ७६ हजार ९०५ पुगेको छ ।

त्यस्तै गरि पछिल्लो २४ घण्टामा अमेरिकामा २९ हजार २२ संक्रमित पुष्टि भएको छ । योसँगै अमेरिकामा संक्रमितको संख्या १२ लाख ९२ हजार ११४ पुगेको छ । त्यस्तै अमेरिकामा अहिलेसम्म २ लाख १६ हजार ८३० जना ठिक भएका छन् ।