फोटो पत्रकार क्लबको आयोजनामा भएको आइएमई–ग्लोबल–आइएमई नेपाल फोटो प्रतियोगिता –२०७५ को उपाधि नरेन्द्र श्रेष्ठले जितेका छन् भने नेप्टोस फोटो स्टोरीमा वीरगञ्जका फोटो पत्रकार मनिष पौडेलको फोटो प्रथम भएको छ ।
श्रेष्ठले गतवर्ष सप्तरीको कुलारी गाउमा बाढीका कारण मृत्यु भएका पा“च वर्षीय बालकलाई अभिभावकले कोशी नदीमा बगाउदै गरेको फोटो यस वर्षको ‘फोटो अफ द इयर’ घोषित भएको हो । उपाधिसहित श्रेष्ठले रु एक लाख प्राप्त गरे भने मनिष पौडेलले ३० हजार हात पारे ।
पौडेलले सन् २०१६ मा तराई–मधेसबाट काठमाडौंमा मजदुरी गर्न आएकाहरुको खिचेको फोटो नेप्टोस फोटो स्टोरीमा प्रथम भएको हो ।
पौडेलले यसअघि पनि ७ वटा उत्कृष्ठ फोटो पुरस्कार प्राप्त गरेका छन् भने उनी १३ वर्षदेखि निरन्तररुपमा फोटोग्राफी गर्दै आइरहेका छन् ।
विजेतालाई सञ्चार तथा सूचना प्रविधिमन्त्री गोकुलप्रसाद बा“स्कोटा, आयोजक संस्थाका अध्यक्ष विकास कार्कीलगायतले पुरस्कार प्रदान गर्नुभयो ।
उत्कृष्ट घोािषत भएका फोटो आगामी साउन १५ देखि २१ गतेसम्म नेपाल आर्ट काउन्सिल बबरमहलमा प्रदर्शनीमा राखिनेछ भने काठमाडौ“ बाहिर विराटनगर, भैरहवा, पोखरा, नेपालगन्ज र धनगढीमा समेत प्रदर्शनीको आयोजना गरिने फोटो पत्रकार क्लबले जनाएको छ ।