आज हेटौंडाबाट प्रकाशित हुने ५ वटा दैनिक पत्रिका हामीलाई प्राप्त भएको छ । पत्रिकाले फरक फरक विषयालई आफ्नो प्रमुख समाचार बनाएका छन् ।

हेटौंडा आँखा अस्पतालमा एकै दिन २ सय ५० जनाको आँखाको मोतियाबिन्दुको अप्रेशन भएको र आँखा देख्ने भएपछि बिरामी खुसी भएको समाचार साझाकुराले छापेको छ । सीसी क्यामेरा मर्मतमा बैंकर्सले सहयोग गरेको समाचार पनि छ ।

हेटौंडा सन्देशले मकवानपुरमा धान उत्पादन बढ्दो रहेको समाचार छापेको छ । ३ नम्बर प्रदेश सरकारको प्राथमिकतामा रहेको २४ कानुन अझै नबनेको समाचार आजको समृद्ध समाज दैनिकले छापेको छ ।

पक्की पुल बनेपछि हाँडीखोलाको मुहार फेरिएको समाचार आजको प्रदेश दैनिकमा छ भने बैंकर्सले सीसी क्यामेरा मर्मत र थप गर्नको लागि ४ लाख २५ हजार सहयोग गरेको समाचार थाहा सन्देशले पहिलो प्राथमिकतामा छापेको छ ।
हेर्नुहोस्, पत्रिकाका पहिलो पृष्ठ