हेटौंडाबाट प्रकाशित हुने दैनिक पत्रिकाले ३ नम्बर प्रदेशको मन्त्रिपरिषद्को निर्णय, प्रशारण लाइनमा अवरोध, लागूऔषधसहित ३ जना पक्राउ परेको, महिला जस्तै एकल पुरुष पनि पीडित भएकोलगायतको समाचार प्राथमिकताका साथ छापेको छ ।

हेटौंडा–५ का ६८ वर्षीय भवनाथ बञ्जराकी पत्नीको निधन भइसकेको छ । उनीहरुको सन्तान छन् । ‘आफूले काम गर्न सकुन्जेल खान लाउन र इच्छा लागेको सामान किन्न पाइन्छ नसकेपछि छोराछोरीकै भर हो’ उनी भन्छन् ।

‘उनीहरुले आफ्नो परिवार हेरुन् कि मलाई ?, काम गर्न नसकेपछि अरुकै भरमा बाँच्न परेको छ ।’ उनी भन्छन् । एकल महिलालाई जस्तै एकल पुरुषलाई पनि जीवनयापनको लागि भत्ता दिनुपर्ने बञ्जराको भनाइ छ । आजको हेटौंडा सन्देशले यो समाचार छापेको छ ।
हेर्नुहोस्, आज हेटौंडाबाट प्रकाशित दैनिक पत्रिकाको पहिलो पृष्ठ