हेटौंडाबाट प्रकाशित दैनिक पत्रिकाले आज ऐतिहासिक मकवानपुर गढीमा बिजयोत्सवको तयारी, शौचालय रित्तै छ तर, खोालमा शौच गर्ने प्रवृति, पर्यटक उद्दारको लागि मोटर बोट लगायतका शीर्षकका समाचारलाई पहिलो प्राथमिकताका साथ छापेका छन् । मादक पदार्थ सेवन गरी युवाहरुले प्रहरीमाथि निर्घात कुटपिट गरेको समाचार पनि प्राथमिकताका साथ छापिएको छ ।

मकवानपुरको इन्द्रसरोबर गाउँपालिका–३ स्थित सिस्नेरीमा स्थानीय युवाको कुटपिटबाट एक प्रहरी जवान घाइते भएका छन् ।  मादक पदार्थ सेवन गरी सिस्नेरी बजारमा होहल्ला गरिरहेको समयमा उनीहरुलाई सम्झाउन खोज्दा तीन जना स्थानीय युवाले पोषाकमै रहेका प्रहरी जवान देवीलाल ठाकुरमाथि निर्घात कुटपिट गरेका हुन् ।

मदिराले मातिएका युवाहरुले बुधबार साँझ करिब ६ बजेको समयमा सिस्नेरी प्रहरी चौकीबाट ड्युटीमा खटिएका प्रहरी जवान ठाकुरमाथि कुटपिट गर्दा उनको आँखीभौंमा गम्भीर चोट लागेको छ । स्थानीय स्वास्थ्य चौकीमा उनको आँखीभौंमा चार टाँका लगाइएको प्रहरी सहायक निरीक्षक राजेन्द्रबहादुर रानाले जानकारी  दिए ।

कुटपिटमा संलग्न माइकल बल, दिपेन्द्र बल र छेवन लामालाई प्रहरीले पक्राउ गरेको छ । उनीहरुलाई पक्रिएर बिहीबार जिल्ला प्रहरी कार्यालय मकवानपुरमा बुझाइएको सहायक निरीक्षक रानाले बताए । \

मकवानपुरका प्रहरी नायब उपरीक्षक यज्ञप्रसाद भट्टराईले तीन युवालाई सार्वजनिक हित तथा नैतिकता विरुद्धको अपराधमा अदालतमा मुद्दा दर्ता गर्ने तयारी भएको बताए ।
हेर्नुहास् आजका दैनिक पत्रिकाको पहिलो पृष्ठ