भिमफेदी गाउँपालिका वडा नम्बर ९ का उपभोक्ता समितिका पदाधिकारीलाई अभिमुखीकरण कार्यक्रम भएको छ । गाउँपालिकाको आयोजनामा कार्यक्रम भएको हो । कार्यक्रममा गाउँपालिका अध्यक्ष हिदम लामाको प्रमुख आतिथ्यता रहेको थियो ।

भिमफेदी गाउँपालिका वडाध्यक्ष प्रकाश पुढासैनीको सभाध्य्क्षता रहेको कार्यक्रममा गाउँपालिकाका महाशाखा प्रमुखहरुले सहजीकरण गरेका थिए । गाउँपालिकाकि उपाध्यक्ष पार्वती रानाले गाउँपालिकाले तयार गरेको नीति नियम र उपभोक्ता समितीहरुको लागि सहज कसरी हुन सक्छ,अनुगमन कसरी गर्ने र यसलाई कसरी प्रभावकारी बनाउने भनेर जानकारी गराउनु भएको थियो ।