हेटौंडा ११ गोल्फेनटार स्थित श्री शंकरज्योती निमाविमा चोरी भएको छ । स्कुल बन्द रहेको अवस्थामा १३ गते सोमवार करीब ५ देखि ६ बजेको समयमा विद्यालयको ढोका फोरी करीब ३० हजार बराबरको सामाग्री चोरी भएको विद्यलयले जनाएको छ ।

विद्यलयको पर्खाल चढेर स्कुलहाता भित्र प्रवेश गरी प्रधानध्यापकको अफिसको र्याकबाट चाँबी झिकी दोस्रो कोठामा गएर ढोका खोली ६ वटा बाकस फोडी विभिन्न शैक्षिक सामाग्रीहरु चोरी गरिएको शंकरज्योतीका प्रधानध्यापक मुकुन्द न्यौपानेले जानकारी दिए ।

चोरी गरिएका सामाग्रीहरुमा करिब सातथान फुटबल, फुटबलमा हावा हाल्ने पम्प तीन थान, कैची ८ वटा, करिब ४० वटा क्रिकेटबल, १२ वटा जति जियोमेट्री बक्स, कलर पेन्सिल, पानी कलर सिुसा कलर, ब्रस कलर ३० वटा, २० दर्जन सिसाकलम, लुडो खेल सामाग्री करिब १२ वटा, चेस खेल सामाग्री ७ वटा लगायतका सामाग्रीहरु चोरी भएको विद्यालयले जनाकारी दिएको छ । चोरी गर्नेहरुको खोजी भइरहेको प्रहरी कार्यलय मकवानपुरले जनाएको छ ।