हेटौंडाः कैलाश गाउँपालिकाले गाउँपालिका भित्र रहेका किसानहरुलाई हाते ट्याक्टर वितरण गरेको छ ।

कैलाश गाउपालिकाको आर्थिक वर्ष २०७५÷०७६ को स्वीकृत कार्यक्रम अनुसार गाउँपालिकामा भित्र गठन भएका कृषक समुहहरुको माग अनुसार ५० प्रतिशत अनुदानमा ५० वटा मिनी टिलर ( हाते ट्याक्टर) वितरण गर्ने योजना अनुरुप आज कैलाश वडा नम्बर ५ र ६ मा २२ वटा वितरण गरेको कैलाश गाउँपालिका अध्यक्ष टंक मोक्तानले जानकारी दिएका छन् ।

 कार्यक्रम अनुसार वडा नम्बर २, ३, ४, ५, ६, ९ र १० गरि ५० वटै मिनी टिलर वितरण कार्य सम्पन्न भइसकेको उनले बताएका छन् ।