रोटी स्वास्थ्यका लागि राम्रो मानिन्छ । कोदो,मकै,मैदा, आटा, फापर आदिबाट रोटी बनाउन सकिन्छ । कसैको घरमा रातको समयमा त कोहीको बिहान रोटी बनाएर खाने गरेको देखिन्छ ।

कतिपयले दिउँसोको समयमा रोटी बनाएर खाने गर्छन् । अरु खाने कुरा बासी खादा स्वास्थ्यको लागि हानिकारक हुन्छ । तर रोटीले भने बासी खादा कैयौं रोग निदानको लागि औषधीको काम गर्ने एक अध्ययन जनाएको छ ।

बासी रोटीको यती धेरै फाइदाहरूबारे थाहा पाएपछि जो कोहीले पनि आजैबाट बासी रोटीलार्इ फोहोरको रुपमा फाल्न छोडेर आफैं खान थाल्नेछन् । थाहा नपाउनजे त रोटी फोहरमा फाल्ने र कसैले गाईलाई दिने गर्छन् । बासी रोटी खादा उच्च रक्तचाप,ग्यास्ट्रिक,तनाव र सुगर जस्ता रोगहरुबाट बच्न सकिने बताइएको छ ।

उच्च रक्तचाप

उच्च रक्तचाप वा ब्लडप्रेसर भएमा बासी रोटी खानु धेरै फाइदादायक हुन्छ । यसका लागि बिहान सबेरै चिसो दुधसँग बासी रोटी खानुपर्ने हुन्छ । यसो गर्नाले बढेको रक्तचाप सन्तुलनमा ल्याउन सहयोग गर्छ ।

ग्यास्ट्रिक

कहिलेकाहीं पेटमा ग्याँस वा एसिडिटी बढ्न गर्इ समस्या झेल्नुपर्ने हुन्छ । त्यही एसिडिटीकै कारण तनाव एवं सुगर जस्ता रोगको सामना गर्नुपर्ने अवस्था पनि आउँछ । त्यसैले यदि तपाइँ बिहान बासी रोटी दुधसँग खाने गर्नुहुन्छ भने ग्यास्ट्रिकको समस्या त हट्छ नै, साथसाथै सुगर पनि नियन्त्रण गर्दछ ।

तनाव

पेट खराब भइरहन्छ भने प्राय तनावबाट पीडित भएको हो । दुध र बासी रोटीको सेवनले तनाव घटाउनुका साथै पेटसँग सम्बन्धित हरेक किसिमका समस्या ठिक गर्न मद्दत गर्दछ ।

सुगर

जुन व्यक्ति बिहान दुधसँग बासी रोटी खाएर काममा निस्कन्छ, उसको रगतमा सुगरको मात्रा नियन्त्रणमा रहन्छ ।