भारतको जम्मु कश्मीरमा रहेको किश्तवाड जिल्लामा सोमवार बस अनियन्त्रित भएर दुर्घटना भएको छ ।

दुर्घटनामा ३३ जनाको मृत्यु भएको छ । डेपुटी कमिस्नर अंग्रेज सिंह राणाका अनुसार, दुर्घटनामा २२ यात्रु घाइते भए । उनीहरूलाई अस्पतालमा भर्ना गरिएको छ ।

बस केशवानबाट किश्तवाड जाँदै थियो ।

बसमा ५५ यात्रु थिए । दुर्घटना बिहान ७ः३० मा भएको हो । प्रहरी र स्थानीयहरूले उद्धार अभियान चलाएका छन् ।

एजेन्सी