धर्मदेवी नगरपालिकाको मुढे बजारनजिकै सोमबार बिहान मालवाहक ट्रकले किच्दा एक बालकको घटनास्थलमा नै ज्यान गएको छ ।

ज्यान गुमाउनेमा ३ वर्षीय आदित्य अधिकारी रहेको मुडे प्रहरी चौकीले जनाएको छ । सोमबार बिहान नागपञ्चमीको दिन शिवालयमा पूजा गरेर फर्किने क्रममा धर्मदेवी नगरपालिका–३ मुढेबजारका घनराज अधिकारी र उनकी श्रीमती रिता अधिकारीको ३ वर्षीय छोरा आदित्यको ज्यान गएको हो ।

इटहरीबाट खाँदबारीतर्फ आउँदै गरेको ना ४ ख २९०० नम्बरको ट्रकले किच्दा घटनास्थलमा आदित्यको नै ज्यान गएको हो । ट्रकचालक मगरलाई प्रहरीले नियन्त्रणमा लिएको छ ।