जिल्ला प्रहरी कार्यालय मकवानपुरले अवैधलागुऔषध गाँजासहित २ जनालाई पक्राउ गरेको छ ।

इन्स्पेक्टर पवन कुमार झाको कमाण्डमा खटिएको प्रहरी टोलीले ५९ किलो ५ सय ८० ग्राम लागुऔषध गाँजासहित हेटौंडा १० बसपार्कबाट २ जनालाई पक्राउ गरेको हो ।

पालुंगबाट विरगन्जतर्फ गईरहेको बा ५ ख १८२५ नम्बरको मिनिट्रक चेक जाँच गर्ने क्रममा मकवानपुर कैलाश गाउँपालिका बस्ने चालक २० वर्षीय भिमसेन मोक्तान र ट्रकमा सवार सोही स्थानका २६ वर्षीय रोशन लामालाई प्रहरीले पक्राउ गरेको हो ।

उनीहरुले ट्रकको सिटमुनी फल्स बटम बनाई लुकाई लगेको लागुऔषध गाँजा बाराको पथलैया पुर्याई अरुलाई दिने खुल्न आएको छ ।

पक्राउ परेका २ जना र ट्रकलाई नियन्त्रणमा लिई थप अनुसन्धान भईरहेको जिल्ला प्रहरी कार्यालय मकवानपुरका एसपी मुकेश कुमार सिंहले बताए ।