“युथ अफ हेटौंडा”ले गौतमलाई सार्वजनिक रुपमा माफि मगायो

गुगलपाटी संवाददाता
२५ कार्तिक २०७६ १३:०१

हेटौंडाः विशाल गौतम नाम गरेका युवाले हेटौंडा–१० स्थित बसपार्कमा सामाजिक सञ्जाल मार्फत हेटौंडाको वेईज्जत हुने गरि सामाग्री पोष्ट गर्ने विशाल गौतमले माफी मागेका छन् । उनले सामाजिक सञ्जाल मार्फत हेटौंडा सँग माफि माग्दै अब देखि बोल्दा ध्यान दिने बताएका हुन् ।

विशाल गौतम

“युथ अफ हेटौंडा” नामक संस्थाले गृहमन्त्री रामबहादुर थापालाई विशाल गौतम माथि कारबाही गर्न माग गर्दै ज्ञापनपत्र बुझाएका थिए । सोमबार मकवानपुरका प्रमुख जिल्ला अधिकारी प्रेमराज जोशीमार्फत “युथ अफ हेटौंडा”मा आबद्ध युवाहरुले गृहमन्त्री थापालाई ज्ञापनपत्र बुझाएका थिए ।
गौतमले फेसबुकमा पोष्ट गरेको भिडियोमा हातको इसारामा हेटौँडा बसपार्कको बारेमा आपत्तिजनक अभिव्यक्ति दिएका थिए । यसले हिंसाको अनुभुति भएको भन्दै सामाजिक सञ्जालबाट उक्त भिडियो हटाउन र दोषीलाई कारवाही गर्न “युथ अफ हेटौंडा”ले माग गरेको थियो । उनले पोष्ट गरेको भिडियोमा आफु हेटौँडाको एयरपोर्ट (बसपार्क) मा रहेको भन्दै नाकको फुलि इशारा गरेर यस (यौन गतिविधि) का लागि हेटौँडा बसपार्क प्रख्यात रहेको आरोप लगाएका थिए । यसले युवाहरुमा नकारात्मक असर पर्ने र हेटौँडाको बदनाम हुने युवाहरुको भनाई छ ।

तपाईको प्रतिक्रिया