हेटौंडाः नेपाल राष्ट्रिय शिक्षक संगठन जिल्ला समिति मकवानपुरले मकवानपुरगढी गाउँपालिका भित्रका सामुदायीक विद्यालयहरुको आज एकदिने अवलोकन सम्पन्न गरेको छ । संगठन सवलीकरणको पाँच महिने अभियान अन्तर्गत यस्तो अवलोकन गरिएको प्रचार विभाग प्रमुख सुनिल गौतमले जानकारी दिनुभयो । संगठनमा आवद्ध रहेका शिक्षकहरुको गुनासा र समस्याहरु संकलन एवम् संवोधन गर्ने अवलोकन भ्रमणको उद्धेश्य रहेको गौतमले बताउनुभयो । मकवानपुरगढी गाउँपालिका भित्रका अमरसिंह प्रावि, आधारभूत प्राथमिक विद्यालय, शारदा मावि, ईश्वरी प्रावि, बंशगोपाल मावि, र चण्डिका मावि गरि ६ वटा विद्यालयको अवलोकन गरिएको हो । जिल्ला अध्यक्ष श्रीराम दाहाल को नेतृत्वमा रहेको अवलोकन टोलीमा, शिक्षक सहकारी अध्यक्ष सितााम दाहाल, प्रचार विभाग प्रमुख सुनिल गौतम, मकवानपुर गढी अध्यक्ष शीवप्रसाद लामिछाने, मकवानपुर गढी शिक्षक महासंघ उपाध्यक्ष राजु प्रसाद सञ्जेल चण्डिका माविका प्रअ दासरथी उपाध्याय लगायतको टोलि रहेको थियो ।