हेटौंडा उपमहानगरापालिका वडा नंबर ६ मा भएको चौघडा रन प्रतियोगितामा पुरुष तर्फ सविन गुरुङ∙ र महिला तर्फ प्रनिता पुडासैनी प्रथम भएका छन् । मदन भण्डारी स्पोर्टस एकेमेडि हेटौंडा उपमहानपालिका वडा नंबर ६ को आयोजनामा आज भएको ३ किलो मिटर प्रतियोगितामा ३७ जनालाई उछिन्दै गुरुङ र महिला तर्फ पनि ३ किलोमिटर तर्फ नै ३० जनालाई उछिन्दै पुडासैनी प्रथम भएका हुन् ।
प्रतियोगितामा पुरुष तर्फ सुवास चौलगाई द्धितिय र शरण सिड्ड तृतिय भएका छन् भने महिला तर्फ दोस्रो विनिता भट्टराई द्धितिय र गिता राई तृतिय भएकी छन् । प्रतियोगितामा प्रथम, द्धितिय र तृतिय हुनेहरुलाई क्रमशस् नगद ५ हजार, ३ हजार, २ हजार नगद सहित मेडल, प्रमाण पत्र प्रदान गरिएको थियो । मदन भण्डारी स्पोर्टस एकेमेडि हेटौंडा ६ का अध्यक्ष सुमन लामाको सभाध्यक्षता भएको कार्यक्रममा संविधानसभा सदस्य अनन्त पौडेलको प्रमुख आथित्यतामा रहेको थियो ।
कार्यक्रममा मदन भण्डारी स्पोर्टस एकेमेडिका केन्दिय सदस्य नविन सिग्देल, हेटौंडा उपमहानगरापलिकाकी उपमेयर मिना लामा, मदन भण्डारी स्पोर्टस एकेमेडि मकवानपुर अध्यक्ष निरज सिङ ठकुरी, मदन भण्डारी स्पोर्टस एकेमेडि भीमफेदीका उपाध्यक्ष अनिल अधिकारी लगायतको सहभागिता रहेको थियो ।