बागमती प्रदेशको मदन भण्डारी स्वास्थ्य विज्ञान प्रतिष्ठानका उपकुलपति प्राध्यापक डाक्टर विश्वराज जोशीको आज नियुक्ती संगै सपथग्रहण गरिएको छ । डाक्टर जोशीलाई बागमती प्रदेशका मुख्यमन्त्री तथा कुलपति डोरमणि पौडेलले पद तथा गोपनियताको सपथग्रहण गराउनुभयो ।

प्रदेशको सामाजिक विकास मनत्रालयको आयोजनामा उपकुलपतिको सपथग्रहण तथा अन्तरक्रिया कार्यक्रम समेत गरिएको छ । प्रदेशका सामाजिक विकास मन्त्री युवराज दुलालले उहाँलाई नियुक्ती दिनुभयो । कार्यक्रममा डाक्टर जोशीले आफुले पाएको जिम्मेवारी अनुसार काम गरेर देखाउने वताउनुभयो ।

प्रदेशका सामाजिक विकास मन्त्री युवराज दुलालको अध्यक्षतामा भएको कार्यक्रममा प्रदेशका सभामुख सानुकुमार श्रेष्ठ, राष्ट्रियसभाका सदस्य रामचन्द्र राइ, बागमती प्रदेशका आर्थिक मामिला तथा योजना मन्त्री कैलाश प्रसाद ढुंगेल, भूमि व्यावस्था कृषि तथा सहकारी मन्त्री दावा दार्जे लामा, प्रदेशका प्रमुख सचिव डाक्टर मानबहादुर विके, प्रदेशसभाका सदस्यहरु, बिभीन्न मन्त्रालयका सचिब तथा प्रतिनिधिहरु लगायतकाको सहभागिता रहेको थियो ।

कार्यक्रममा बागमती प्रदेशका मुख्यन्यायधिवक्ता ओम प्रकास थपलीयाले जननेता भदनकुमार भण्डारीको नाममा स्थापना गरिएको प्रतिष्ठानले स्वास्थ्यको क्षेत्रमा काम गर्ने वताउनुभयो । कार्यक्रममा सहजीकरण गर्दै उहाँले आम नागरिकलाई सर्वसुलभ रुपमा गुणस्तरिय सेवा दिने वताउनुभयो ।