हेटौडा उपमहानगरपालिका वडा नम्बर–११ थानाभर्याङमा सडकमा रोकीराखेको ट्रकलाई मोटरसाइकलले ठक्कर दिदा एक जनाको मृत्यु भएको छ । गएराती हेटौडा बाट चितवान तर्फ जादै ना ५ ख ५६७९ नम्बरको मोटरसाइकलले रोकिराखेको बा ९७ प ५४१३ नम्बरको ट्रकको पछाडि भागमा ठोक्किँदा चालक अजय बिश्वकर्माको मृत्यु भएको छ ।

मोटरसाइकलमा पछाडी वस्ने सवार सुनिल सुनार सामान्य घाइते भएका छन् । रातमा बाइक ओभरस्पिडमा रहेकाले दुर्घटना भएको हुनसक्ने जिल्ला प्रहरी कार्यलयका प्रवक्ता ईन्द्र बहादुर रानाले जानकारी दिनुभयो । मृत्यु हुनेमा मोटरसाइकल चालक हेटौडा ११ नवलपुर बस्ने १८ बर्षीय बिश्वकर्माको उपचारको क्रममा चुरेहिल अस्पताल मृत्यु भएको हो । मोटरसाइकलमा सवार भिमफेदि ९ नामटार घरभई हाल हेटौडा ११ थानाभर्याङ बस्ने बर्ष २४ को सुनार सामान्य उपचारपछि डिस्चार्ज भइसकेका छन् ।