शुक्रबार मात्र कोरोना संक्रमण भएको खबर थाहा पाएका बकैया गाउँपालिकामा कार्यरत एकजना इन्जिनियरको आज दुर्घटनामा मृत्यु भएको छ । बकैया गाउँपालिकामा भुकम्प प्राधिकरणको तर्फबाट कार्यरत रहेका इन्जिनियर दिपेन्द्र अधिकारीको आज मकवानपुरको रजैयामा मोटरसाईकल दुर्घटनामा मृत्यु भएको हो ।

बकैयामानै आइसोलेसनमा बस्नु भन्दा घरमा बस्न आउनु भन्ने, यता स्याहार हुन्छ भन्ने खबर आएको भन्दै बिहानै नीजि मोटरसाईकलमा घर चितवन हिडेका अधिकारीको रजैयामा मृत्यु भएको हो ।

उनी सबार ना ४९ प २४०० नंबरको मोटरसाईकल र चितवनबाट हेटौँडा आउँदै गरेको बा ३ ख ९६६४ नंबरको मिनिबस एक आपसमा ठक्कर खाँदा अधिकारीको मृत्यु भयो । उनको शव हाल हेटौँडाको चुरेहिल अस्पतालमा छ ।