हेटौडा ओपन स्काउट क्रियुको आयोजनामा हेटौडा उपमहानगरपालिका वडा नम्बर ५ स्थित ढुङगेधारा पर्यटन बिकास हाता भित्र सोमबार बृक्षारोपण कार्यक्रम सम्पन्त्र भएको छ ।

ढुङगेधारा पर्यटन बिकास समिति ,पिप्ले पोखरा सामुदायिक उपभोक्ता समिति र ढुङगेधारा टोल बिकास सस्थाको समन्वयमा बृक्षारोपण कार्यक्रम भएको हो । ३५ औ अन्तराष्ट्रिय शन्ति दिवसको अवसरमा स्काउटले बृक्षारेपण कार्यक्रम गरेको हेटौँडा ओपन स्काउट क्रियुका रोभर लिडर दिपेन्द्र रोक्काले वताए । हेटौडा ओपन स्काउट क्रियुका अध्यक्ष बुद्धिनाथ न्यौपानेको सभाध्यक्षतामा भएको कार्यक्रममा हेटौँडा उपमहानगरपालिकाका मेयर हरी बहादुर महतको प्रमुख आतिथ्यता रहेको थियो । बृक्षारोपण कार्यक्रमको उद्घाटन मेयर महतले गर्नुभएको थियो । स्काउटले फलफुल जडिबुटी ,सुगन्धित फुल लगाएत एक सय भन्दा बढी विरुवाहरु रोपेको छ ।

कार्यक्रममा हेटौँडा उपमहानगरपालिका वडा नम्बर ५ का अध्यक्ष राजेश बाँनिया ,नेपाल स्काउट मकवानपुर जिल्ला आयुक्त बेली थापा ,जिल्ला तालिम आयुक्त अशोक सारु मगर ,हेटौँडा ओपन स्काउट क्रियुका बिष्णु श्रेष्ठ, हिरा बतौला, सुमित्रा लामा ,मेनका श्रेष्ठ लगाएतकाको उपस्थिति रहेको थियो ।