विप्लव निकट अखिल क्रन्तिकारी मकवानपुरको आयोजनामा रक्तदान कार्यक्रम सम्पन्न भएको छ ।
कोरोना भइरसको महामारीले देशव्यापी रुपमा रगत अभाव भएको हुँदा अखिल क्रान्तिकारीको केन्द्रिय नीति अनुरुप नारायणी ब्यूरो अन्तर्गत अखिल क्रान्तिकारी मकवानपुरले रक्तदान कार्यक्रमको आयोजना गरेको हो ।

सोमबार हेटौंडा उपमहानगरपालिका वडा नम्बर १९ बस्तिपुरस्थित रहेको निर्माण बहुमुखी क्यापसमा भएको उक्त कार्यक्रममा २७ जनाले रक्तदान गरेका थिए ।
अखिल क्रान्तिकारी मकवानपुरका अध्यक्ष विवेक घलानको संयोजकत्वमा भएको कार्यक्रममा अखिल क्रान्तिकारी केन्द्रिय महासचिव प्रकाश शाहीको प्रमुख आतिथ्यता तथा निर्माण बहुमुखी क्यापसका प्रअ प्रबोध बिडारीको विशेष आतिथ्यता रहेको थियो ।