मनहरी र राक्सिराङ्ग गाउँपालिकामा आज दिउसो १२ बजेबाट ३ बजेसम्म विद्युत आपूर्ति बन्द हुने भएको छ । युनिलिभर फिडर अन्र्तगत हेटौंडा ३ स्थित लेवट खण्डमा विद्युत तार अपग्रेड कार्य हुने भएकाले विद्युत काटिने नेपाल विद्युत प्राधिकरण हेटौंडा वितरण केन्द्रले जानकारी दिएको छ । विद्युत तार अपग्रेड कार्यभर लेवटबाट पश्चिमतर्फका मात्रै विद्युत अबरुद्द हुने भएको हो । अपग्रेड कार्य चाडै सम्पन्न भएमा दिउसो ३ बजे अघि नै विद्युत सुचारु हुने हेटौंडा वितरण केन्द्रले जानकारी दिएको छ ।