महालक्ष्मी विकास बैंक हेटौंडा शाखाले २८ औं वार्षिक उत्सवको अवसरमा रक्तदान कार्यक्रम आयोजना गरेको छ ।
बैंकको मेनरोडस्थित शाखा कार्यालय प्राङ्गणमा आयोजित रक्तदान कार्यक्रममा ४६ जनाले रक्तदान गरेका थिए । बैंकमा आएका सेवाग्राही र कर्मचारीहरुले रक्तदान गरेको बैंकका शाखा प्रमुख सम्भु प्रसाद पराजुलीले बताए । बैंकले प्रत्येक वर्ष वार्षिक उत्वसको अवसरमा बिभिन्न सामाजिक काम गर्दै आएको छ । बैँकले देशभर कुल एकसय तीनवटा शाखाहरु मार्फत ग्राहकहरुलाई वित्तीय सेवा प्रदान गर्दै आएको छ ।