नेपाल बालकुमारी क्योकुशिन कराते संघ केन्द्रिय डोजोको आयोजनामा फागुन ६ र ७ गते सम्पन्न चौथो ललितपुर महानगर मेयर कप राष्ट्रिय फुल कन्ट्रयाक्ट कराते प्रतियोगिता २०८० मा मकवानपुरका ४ खेलाडीहरुले सफलता हासिल गरेका छन् ।

प्रतियोगितामा मकवानपुर जिल्लाको प्रतिनिधित्व गर्दै सहभागी भएका प्रतियोगीहरुमध्ये महिला ५० के जी तौल समुहमा रेस्मा थापा प्रथम ४५ केजी तौल समुहमा रिदम थापा द्वितीय , ५५ केजी तौल समुहमा लक्ष्मी थिङ्ग तृतीय र ४० केजी तौल समुहमा प्रनिशा भ्लोन तृतिय हुन सफल भएका छन् ।

मकवानपुर जिल्लामा क्योकुशिन करातेको विकास र बिस्तार मा उल्लेखनीय भुमिका निर्वाह गरेको भन्दै कार्यक्रममा क्योकुशिन कराते संघ मकवानपुरका अध्यक्ष बुद्धिनाथ न्यौपानेलाई कदर पत्र सहित सम्मान गरिएको थियो ।