हेटौंडामा गोली चल्यो, एकजना खाग तस्कर पक्राउ
मकवानपुरको हेटौंडामा उपमहानगर पालिका वडा न.८ मा नेपाली सेनाको टोलीले हवाई फायर गरि एकजना गैडाको खाग तस्करलाई नियन्त्रणमा लिएको छ । गैडाको खाग तस्करीमा सम्लग्नलाई पक्राउ गर्न हेटौंडामा चितवन राष्ट्रिय निकुञ्ज टोलिले हवाई फायर गरेको हो ।
खाग तस्करको टोलि हेटौंडामा रहेको खाग तस्करलाई विषेश सूचनाको आधारमा पक्राउ गर्न चितवन राष्ट्रिय निकुञ्जबाट आएको नेपाली सेनाको टोलिले हेटौंडा -५ गर्दैइ क्षेत्रमा नेपाली सेनाले कोलकमाण्डो हतियार बाट ५ राउण्ड हवाई फायरिङ गरेको हो ।
चितवन राष्ट्रिय निकुञ्ज कार्यालयका संरक्षण अधिकृत दिनेश श्रेष्ठ र चितवन राष्ट्रिय निकुञ्ज सुरक्षार्थ खटिएका श्री नयाँ गोरख गणका उपसेनानी दिपक बाँस्कोटा सहितको टोलीले गैडाको खाँग तस्करी गर्ने ब्यक्तिलाई खोजतलास गरि पकाउ गर्ने क्रममा हवाई फायर गरि एकजना तस्करलाई पक्राउ गरिएको जिल्ला प्रहरी कार्यलय मकवानपुरका प्रहरी उपरिक्षक (एसपी) विश्वराज खड्काले बताउनु भयो ।