बेच्ने उद्देश्यले मानव ओसारपसार रोकथामका लागि सञ्चालित गैरसरकारी संस्थाको ध्यान मकवानपुरमा केन्द्रित भइरहेको बेला जिल्लामा चेलीबेटी बेचबिखनको घटना भने कम हुन सकेको छैन ।

ललाई फकाई भारतमा पु¥याई यहाँका चेलीहरु बेचिन थालेको प्रमाण भेटिन थालेका छन् । वैदेशिक रोजगारीको लागि भन्दै गएका चेलीहरु फर्किएर बेचिएको भन्दै धमाधम उजुरी दिन थालेपछि यस्तो तथ्य भेटिएको हो । आर्थिकवर्ष २०७२/७३ देखि हालसम्म प्रहरीमा मानव बेचबिखनसम्बन्धी ८ वटा मुद्दा दर्ता भएका छन् । प्रहरीको मुद्दा शाखाका अनुसार मानव बेचबिखनका घटना सार्वजनिक हुने क्रम बढ्दो छ ।

गाउँकै दलाल वैदेशकि रोजगारीमा लगाइदिने बहानामा बेच्न सक्रिय छन् । पीडितको जाहेरीका अनुसार वैदेशिक रोजगारीमा लैजाने भन्दै फकाउने गरिएको छ । प्रहरीको अनुसन्धानले भन्छ ‘जसले गाउँबाट चेली लेजान्छ, उसैले भारतमा कोठी सञ्चालन गरेर बसेको पाइन्छ ।’ प्रहरीमा दर्ता भएका सात मुद्दाका २२ पीडितले २१ जनालाई विपक्षी बनाएका छन् । तर पनि ४ जना फरार रहेका छन् । पक्राउ परेकामध्ये कोही अनुसन्धानको लागि पूर्पक्षमा थुनामा छन् भने कोही धरौटी बुझाएर तारेखमा छुटेका छन् ।
आजको हेटौंडा सन्देश दैनिकमा समाचार छ ।