हेटौंडा ९ स्थित शान्ति चोक टोल विकास संस्थाको नबौ साधारण सभा शनिबार भएको छ । हेटौंडा ९ नम्बर वडा अध्यक्ष लक्ष्मण भण्डारीको प्रमुख आतिथ्यतामा भएको कार्यक्रममा आर्थिक वर्ष २०७४/७५ को आय ब्यय प्रस्तुत गरिएको थियो ।
संस्थाका अध्यक्ष बद्री आचार्यको सभाअध्यक्षतामा भएको कार्यक्रममा उपाध्यक्ष मिरा पौडेलले स्वागत मन्तव्य व्यक्त गरेकी थिईन् । संस्थाले आगामी दिनमा एक घर एक सदस्य बनाउन पहल गर्ने, टोल बिकास संस्थाले बेरोजगार महिला तथा पुरुषलाई तालिम तथा सामुहिक लगानीमा आय मुलक कार्यक्रम सञ्चालन गर्ने अध्यक्ष आचार्यले बताए ।

 
कार्यक्रमका प्रमुख अतिथी भण्डारीले टोल बिकास संस्थाले आफ्नो टोलको सम्पुर्ण विवरण राख्नु पर्ने तथा बिकास निर्माण तथा आयमुलक कार्यक्रमका लागि सक्दो सहयोग गर्ने बताए । सर्वजनिक जग्गा संरक्षण गर्नु पर्नेमा जोड दिँदै उनले आफ्नो टोल बिकास संस्थाको क्षेत्र भित्रको सर्बजनिक जग्गाको पहिचान गर्नु पर्ने बताए ।
टोल बिकास नगर समन्वय समिति, वडा समन्वय समिति, छिमेकी टोल बिकास संस्थाका प्रतिनिधिहरुको उपस्थिति रहेको कार्यक्रमको संचालन संस्थाका सचिव केशव कार्कीले गरेका थिए ।