मकवानपुरको हेटौंडा उपमहानगरपालिकाको वडा नम्बर ८मा रहेको सीप बिकास तथा तालिम केन्द्र स्थानीयहरुका लागि रोजगार प्रदायक कार्यालय नभएपनि यसका कारण रोजगार बन्नेहरुको संख्या धेरै छ ।
यो कार्यालयका कारण स्वरोजगार बन्नेहरुको संख्या उच्च छ तर पछिल्लो समय यही रोजगार दिने कार्यालय अस्तब्यस्त बनेको छ । दशैंको मुखैमा कर्मचारीहरु खाली हात घर जाने तयारीमा छन् । श्रम तथा रोजगार मन्त्रालय माताहतमा रहेको उक्त कार्यालयमा तलब समेत नआउदा कर्मचारी दशैंको मखैमा खाली हात घर जान बाध्य भएका हुन् । दशै लागिसकेपनि तलब नआएपछि खाली हात घर जान पर्दा ज्यादै पीडा भएको सीप बिकास तथा तालिम केन्द्रका प्रमुख युवराज गुरुङ्गले जानकारी दिए । उनले अघिल्लो बर्षसम्म यो अवधीमा दुई सीजनका तालिम संचालन भइसक्ने भएपनि अहिले कार्यक्रम नै नआएका कारण समस्या भएको बताए ।