हेटौंडा–हेटौंडा जेसीजको बर्ष सन् २०१९ को अध्यक्षमा सन्देश डिसी बिजयी भएका छन् । अध्यक्षका उम्मेदवार राजदेब बनियालाई ८ मत अन्तरले हराउँदै अध्यक्षमा डिसीले बाजी मारेका हुन् ।

डिसीले ७० मत प्राप्त गर्दा बनियाले ६२ मत प्राप्त गरे । यस्तै कार्यकारिणी उपाध्यक्षमा दिपेश जोशी र लिसेन बस्नेत बिजयी भए । जोशीले ७८ मत र बस्नेतले ६९ मत ल्याउदै बिजयी हुँदा कार्यकारीणी उपाध्यक्षका उम्मेदवार वसन्त कप्रौला (६२ मत), श्रवणकुमार बर्तौला (५५ मत) पराजित भए ।

शनिबार साँझ भएको निर्वाचनबाट उपाध्यक्षमा अमृत बर्तौला (१२२ मत), सङ्गीत श्रेष्ठ (१०६ मत), शिवकुमार श्रेष्ठ (८३ मत) र साजन सुवेदी (७८ मत) बिजयी भए । उपाध्यक्षका उम्मेदवार तरानाथ धमला (६८ मत) र दीपक बर्णवाल (५९ मत) ल्याउदै पराजित भए । अध्यक्षमा बिजयी भएका डिसीले सबैलाई समेटेर सामजिक काममा लाग्ने प्र्रतिवद्धता जनाए ।