हेटौंडा– पूर्वपश्चिम राजमार्गअन्तर्गत मकवानपुरको मनहरीमा आज बिहान भएको दूर्घटनामा दुई जना घाइते भएका छन् ।

एकजनाको अवस्था गम्भीर रहेको छ । काठमाडौंबाट हेटौंडा तर्फ आउँदै गरेको ना ७ ख ८१६ नम्बरको ट्रकले रोकिराखेको ना ७ ख ३४८६ नम्बरको ट्रकलाई ठक्कर दिँदा ना ७ ख ८१६ नम्बरको ट्रकका चालक र सहचालक घाइते भएका हुन् ।

ट्रकका सहचालक रौतहट बोधिमाई नगरपालिकाका ४० वर्षीय बिगन दास गम्भीर घाइते भएका छन् । उनलाई उपचारको लागि भरतपुर पठाइएको जिल्ला ट्राफिक प्रहरी कार्यालय मकवानपुरले जनाएको छ । सोही ट्रकका चालक पनि सामान्य घाइते भएको र उनको पनि उपचार भइरहेको जनाइएको छ ।