हेटौंडामा रहेको सोलिड्यारिटी इन्टरनेशनल एकेडेमीले सोलिड्यारिटी शैक्षिक पत्रकारिता पुरस्कार स्थापना गरि एक जना पत्रकारलाई पुरस्कार दिने भएको छ ।

आज हेटौंडाको न्युज क्लब नेपालमा पत्रकार सम्मेलन गरि पुरस्कार बारे जानकारी दिइएको थियो । एकेडेमीका संस्थापक अध्यक्ष ऋषिराम आचार्यले शैक्षिक क्षेत्रमा रहेर कलम चलाउने एक जना पत्रकारलाई नगद १० हजार सहित पुरस्कृत गर्ने बताए । आगामी माघ २३ र २४ गते हुन लागेको अभिभावक भेलाको दिन पुरस्कार वितरण गरिने उनले बताए ।उनले सन् २०१९ को शुभकामना दिदैं राष्ट्रिय टोपी दिवसको शुभकामना समेत दिएका थिए ।

कार्यक्रममा प्रदेश ३ नेपाल पत्रकार महासंघका अध्यक्ष प्रताप विष्ठ, महासचिव कृष्ण सारु, मकवानपुरका अध्यक्ष हरि हुमागाई, विद्यालयका सहायक प्रअ अनु तामाङ लगायतकाले शुभकामना दिएका थिए ।