हेटौंडा–पूर्वपश्चिम राजमार्गअन्तर्गत मकवानपुरको बसामाडीमा नम्बर नखुलेको सवारी साधनले ठक्कर दिँदा हिजो साँझ एक जना पैदलययात्रु गम्भीर घाइते भएका छन् ।

हेटौंडाबाट चितवनतर्फ जाँदै गरेको नम्बर नखुलेको सानो सवारीले ठक्कर दिँदा पैदल हिँडिरहेका हेटौंडा–३ बसामाडीका ५० वर्षीय सूर्यबहादुर राई घाइते भएका छन् ।

उनको भरतपुरमा उपचार भइरहेको छ । ठक्कर दिने सवारी साधनको खोजी भइरहेको जिल्ला ट्राफिक प्रहरी कार्यालय मकवानपुरले जनाएको छ ।

साँझ करिब पौड ८ बजेतिर घटना भएपछि स्थानीयले करिब ३ घण्टा पूर्वपश्चिम राजमार्ग अवरुद्ध गरेका थिए । ठक्कर दिने सवारीको पहिचान गरी कारबाही गर्न र घाइतेको उपचार गर्न माग गर्दै ८ बजेपछि अवरुद्ध गरिएको राजमार्ग राती ११ बजेमात्र खुलाइएको थियो ।