हेटौंडा–पूर्वपश्चिम राजमार्गअन्तर्गत हेटौंडा–१५ रातोमाटेस्थित पिलपबोटमा बस र मोटरसाइकल ठोक्किँदा मोटरसाइकलमा सवार २ जना गम्भीर घाइते भएका छन् ।

हेटौंडाबाट बीरगञ्जतर्फ जाँदै गरेको ना ५ ख १७७२ नम्बरको बसलाई ओभरटेक गर्ने क्रममा बा ९१ प ६१२ नम्बरको मोटरसाइकल बसमा ठोक्किएको हो । घटना बिहान साढे ९ बजेको समयमा भएको जिल्ला ट्राफिक प्रहरी कार्यालय मकवानपुरले जनाएको छ ।

ठक्करबाट हेटौंडा– १४ का २५ वर्षीय मोटरसाइकल चालक आशीष रुम्बा र मोटरसाइकलमा पछाडि सवार २० वर्षका सन्तोष बम्जन गम्भीर घाइते भएका छन् । उनीहरुलाई उपचारको लागि हेटौंडातर्फ ल्याउँदै गरेको प्रहरीले जनाएको छ । घटनापपछि बस र बस चालकलाई प्रहरीले नियन्त्रणमा लिएको छ ।