मकवानपुरको उत्तरी क्षेत्र थाहा नगरपालिकाको दामन तथा सिमभञ्याङ क्षेत्रमा फेरी पनि हिउँ परेको छ । आज विहानैबाट हल्का हिमपात भएको थाहा नगरपालिकाबाट स्थानीय पत्रकार सिम्रन खडकाले जानकारी दिनुभयो ।
विहान देखि देशभर परेको पानीसँगै उच्च भागहरुमा हिमपात भएको छ । दामनमा हिउँ पर्न थालेको खबरपछि त्यहा पर्यटकहरु जाने क्रम समेत सुरु भैसकेको छ । यो वर्ष थाहा नगरको दामनमा हिउँ परेको यो दोश्रो पटक हो ।