सवारी दुर्घटनामा परी एक जनाको मृत्यु भएका छ भने एक जना घाइते भएका छन् । पूर्वपश्चिम राजमार्ग अन्तर्गत बाराको पथलैया–निजगढ सडकखण्डमा सवारी दुर्घटना भएको हो । ।

कोइला बोकेर आउँदै गरेको ना ८ ख १३३८ नम्बरको ट्याक्टरको ट्रलीले ईरिक्सालाई ठक्कर दिँदा यो घटना भएको हो । गम्भीर घाइते कोल्हबी नगरपालिका–८, काटगाँउका दिपक चौधरीको अस्पताल ल्याउने क्रममा मृत्यु भएको प्रहरीले जनाएको छ । सोही ठक्करबाट रिक्सा चालक गणेश चौधरी घाइते भएका छन् ।

उनको सिमरास्थित अल्पाईन अस्पतालबाट थप उपचारका लागी वीरगन्ज लगिएको ईलाका प्रहरी कार्यालय निजगढले जानकारी दिएको छ ।