उत्तरी धादिङको रुबीभ्याली गाउँपालिका–४ हिन्दुङमा गए आएको पहिरोले पुरिएर दुई जना बेपत्ता भएका छन् । गाउँका ५५ वर्षीय नोर्बु तामाङ र १८ वर्षीय धनबहादुर तामाङ बेपत्ता भएका छन्।

गाउँ नजिकै जङ्गलमा बाख्रा चराउन गएको समयमा हिउँपरेपछि १२० बाख्रासहित ओडारमा बसेको बेला पहिरोले पुरेर बेपत्ता भएकोे प्रहरीले जनाएको छ ।

गाउँमा कुहिरो लागेकाले केही समय ढिला भएपनि हेलिकप्टर मार्फत खोजीको कार्य भईरहेको प्रहरीले जनाएको छ ।