हेटौंडा उपमहानगरपालिका मेयर हरिबोल महतले अबको १५-२० दिनभित्र नयाँ दमकल आउने जानकारी दिएका छन् ।
गतिलो दमकल नहुँदा हेटौंडा उपमहानगरपालिकावासीलाई निकै समस्या पर्ने गरेको छ । केही समय अघि हेटौंडाको ओम्याक्स सिनेमा हलमा आगलागी हुँदा यहाँको पुरानो एउटामात्रै दमकलले आगो निभाउन नसकेपछि छिमेकी जिल्लाबाट समेत दमकल मगाइएको थियो ।

अत्यन्त जरुरी रहेको दमकलको राम्रो व्यवस्थापन हुन पनि यतिधेरै समय लाग्नु आश्चर्यको कुरा भएको छ । लागलागी हुने मौसम नजिकिँदै जाँदा यसको तयारी तत्काल गर्नुपर्ने आवश्यकता देखिएको छ ।

हेटौंडा सिमेन्ट उद्योगले एउटा पुरानो दमकल पनि तत्कालिन नगरपालिकालाई हस्तान्तरण गरेको थियो । तर, त्यो दमकल पनि निकै पुरानो भई जेनतेन मात्र चलिरहेको छ । मेयर महतले सरकारी काम गर्दा निकै झमेला हु्ने भन्दै अब ढिलोमा २० दिनभित्र दमकल आइपुग्ने बताए ।