एकजना महिला मृत अवस्थामा फेला परेकी छिन् । भक्तपुर नगरपालिका–२ ठूलो ब्यासी स्थित पोखरीमा उक्त शव फेला परेको हो ।

सोही नगरपालिका वडा नम्बर ३ बतालेकी ४९ वर्षीया गंगा छुकाँ मृत भेटिएको महानगरीय प्रहरी परिसर भक्तपुरले जानकारी दिएको छ ।

महिला मृत भेटिएको खबर पाएपछि महानगरीय प्रहरी परिसर भक्तपुर र प्रभाग ब्यासीको प्रहरी टोली घटनास्थलमा पुगेका हुन् ।

प्रहरीले महिलाको शव पोष्टमार्टमका लागि भक्तपुर जिल्ला अस्पताल पठाएको छ ।
प्रारम्भिक अनुसन्धानबाट मृतक गंगा बिहीबार साँझ घरबाट निस्किएको बुझिएको र बाँकी अनुसन्धानबाट खुल्ने प्रहरीले जनाएको छ ।