हेटौंडा १० स्थित सोलिड्यारिटी इन्टरनेशनल एकेडेमीको २६ औ अभिभावक दिवसको अवसरमा शुक्रबार मकवानपुरका अग्रज पत्रकार प्रताप विष्टलाई पुरस्कृत गरिएको छ । विष्टलाई बिपन्न बालवालिकाहरुलाई दुई दशदेखि निरन्तर कमल चलाएर शिक्षा प्रदान गर्न सहयोगी भूमिका खेलेको भन्दै सोलिड्यारिटी शैक्षिक पत्रकारिता पुरस्कार प्रदान गरिएको हो ।
दश हजार नगद सहित विष्टलाई कार्यक्रमका प्रमुख अतिथि जिल्ला शिक्षा समन्वय इकाईका प्रमुख कृष्ण प्रसाद घिमिरे, विद्यालयका संस्थापक ऋषिराम आचार्य र प्याब्सन मकवानपुरका पूर्व अध्यक्ष मदन दाहालले सम्मान सहित पुरस्कृत गरेका हुन् ।
कार्यक्रममा वर्ष विद्यार्थी सम्मानबाट विजय प्रसाँइलाई सम्मान गरिएको थियो । साथै कक्षामा उत्कृष्ट भएका विद्यार्थीहरुलाई पनि सम्मान गरिएको थियो । विद्यालयका प्रिन्सिपल रिना आचार्यले विद्यालयको गतिबिधि र आगामी योजनाका बारेमा जानकारी गराएका थिए ।