चोरी गरेको मोबाइलसहित २ जनालाई पक्राउ गरेको छ । जिल्ला प्रहरी कार्यालय हेटौंडा मकवानपुरबाट खटिएका प्रहरी टोलीले हेटौंडा उपमहानगरपालिका वडा नं. ४ स्थित खोपेगल्लीमा कालो रंगको रेगजिनको झोला बोकी शंकास्पद रुपमा हिडीरहेका काठमाण्डौ बुढानिलिकण्ठ नगरपालिका वडा नं.६ बस्ने १९ वर्षिय राज लामा र सोही नगरपालिका वडा नं. ८ का सरोज कार्कीलाई फेला पारी उनीहरुले बोकेको झोला खानतलासी गर्दा उक्त झोला भित्र लुकाई छिपाई राखेको पुरानो मोबाईलसहित आज बिहान पक्राउ गरेको जिल्ला प्रहरीले कार्यालय मकवानपुरले जनाएको छ ।

उनीहरुको साथबाट १२ थान माबाईल, सामसुङ्ग मोबाईलमा लाग्ने ब्याट्री ३ थान, हाते घडी ६ थान, चार्जर हेड फोन १ थान, हेडफोन ९ थान, मल्टिप्लक १ थान, पाईलट चुरोट ५ प्याकेट, शिखर आईस चुरोट २ प्याकेट, खुकुरी चुरोट २ प्याकेट, कुरकुरे २ प्याकेट, वाईवाई चाउचाउ ६ प्याकेट, क्वीच चिजवल २ प्याकेट, बिड नभएको चक्कु थान १ र सेतोमा कालो धर्के भएको सर्ट १ थान फेला पारी बरामद गरेको प्रहरीले जनाएको छ ।

उनीहरुलाई उक्त बरामद सामनको बारेमा सोधपुछ गर्दा अजरअमर रोडस्थित रहेको ग्रेस मोबाईल एण्ड वाच सर्भिस सेन्टरबाट चोरी गरी ल्याएको भनि बताएको हुँदा उल्लेखित समानहरु बरामद गरी निजहरुलाई पक्राउ गरेको हुँदा आवश्यक अनुसन्धान भई रहेको प्रहरीले जनाएको छ ।