हेटौंडा–हेटौंडा–५ स्थित क्याम्पाचौरमा भइरहेको राष्ट्रिय औद्योगिक व्यापार मेलामा आज राष्ट्रिय कलाकारहरु गायक प्रताप दास हाँस्यकलाकार शिवहरी पौडेल ‘मुखा हानु जस्तो’ र किरण केसी ‘राता मकै’ ले आफ्नो प्रस्तुती दिने भएका छन् ।

गायक दासले आफ्नो गायनकलामार्फत दर्शकलाई मनोरञ्जन दिनेछन् भने दुई हास्यकलाकार पौडेल र केसीले दर्शकमाझ हास्य प्रहसन प्रस्तुत गर्नेछन् । मेलामा हिजो राष्ट्रिय कलाकारहरु गायक शिव परियार र बबिता बानियाँ जेरीले प्रस्तुति दिएका थिए । मेलाको मुख्य आयोजकमा मकवानपुर उद्योग वाणिज्य संघ रहेको छ भने संरक्षकमा जिल्ला समन्वय समिमि मकवानपुर र हेटौँडा उपमहानगरपालीका कार्यलय रहेको छ।

प्रवद्र्घकहरुमा भूमी व्यवस्था ,कृषि तथा सहकारी मन्त्रालय प्रदेश नंबर तिन, उद्योग , पर्यटन वन तथा वातावरण मन्त्रालय, पर्यटन विकास परियोजना प्रदेश नंबर तिन,प्रधानमन्त्री कृषि आधुनिकीरण परियोजना,कृषि व्यवसाय प्रवद्घन कार्यक्रम,नेपाल उद्योग वाणिज्य महासंघ, नेपाल उद्योग वाणिज्य महासंघ प्रदेश नंबर तिन र नेपाल पर्यटन बोर्ड रहेका छ। मुख्य प्रायोजकको रुपमा शिवम् सिमेन्ट उद्योग रहेको छ।

मेलामा निः शुल्क बस सेवा र निस् शुल्क स्वास्थ्य सेवा रहेको मकवानपुर उद्योग वाणिज्य संघले जनाएको छ । राष्ट्रिय औद्योगिक व्यापार मेलालाई अवलोकन गर्न सहज होस भन्ने हेतुले हेटौंडा १५ मा रहेको रिद्धि सिद्धि सिमेन्ट उद्योगले हेटौंडा बजारबाट मेला स्थल हेटौंडा ५ क्याम्पा डाँडा सम्म निः शुल्क ओसार पसार गर्ने संघले जनाएको छ । हेटौंडा बजारको जिल्ला प्रहरी कार्यालय, मकवानपुर उद्योग वाणिज्य संघको चोक र सिमाचोक शितलमहल चोकबाट बस सेवा हुने संघले जनाएको छ । मेला फागुन २८ गते सम्म चल्ने छ ।