सशस्त्र प्रहरी बल (एपिएफ) ले हिमालय शेर्पा क्लवलाई हराएको छ । हेटौंडामा जारी दोस्रो संस्करणको भूगर्भ सिमेन्ट शहीद स्मृति राष्ट्रिय फुटबल प्रतियोगितामा १–० गोल अन्तरले हिमालयनलाई एपिएफले हराएको हो ।
हेटौंडा–१० स्थित वनविज्ञान मैदानमा शुक्रबार भएको खेलको ३९ औं मिनेटमा एपिएफका हरि कार्कीले गोल गरेका थिए । उक्त गोल नै निर्णायक बन्यो । खेलको म्याद अफ दि म्याच निर्णायक गोलकर्ता एपिएफका कार्की भए ।
भोली शनिबार नेपाल पुलिस बिरुद्ध च्यासु युथ क्लव भिड्ने आयोजक मकवानपुर फुटबल संघले जनाएको छ । प्रतियोगितामा दश टिमको सहभागिता रहेको छ ।