गएराती ट्रकले स्कुटरलाई ठक्कर दिँदा एक जना घाइते भएका छने भने एक जनाको मृत्यु भएको छ । पूर्वपश्चिम राजमार्गअन्तर्गत नवलपरासीको मध्यविन्दु नगरपालिका–१० स्थित जङ्गलमा ना ८ ख १८४५ नम्बरको ट्रकले लु ४१ प १७२७ नम्बरको स्कुटरलाई ठक्कर दिँदा देवचुली नगरपालिका सिर्जनाचोक बस्ने २२ वर्षीय टीकाराम महतोको मृत्यु भएको हो ।

दुर्घटनामा परी स्कुटमा सवार अर्का एक जना पनि घाइते भएका छन् । घाईते हुनेमा सोही स्थान बस्ने २१ वर्षीय भरत गुरौ रहेका छन् । उनको पुरानो मेडिकल कलेज भरतपुरमा उपचार भइरहेको प्रहरीले जनाएको छ ।