आइतबार राति भएको खेलमा कोलकाताले राजस्थान रोयल्सलाई ८ विकेटले हराएको छ । सुनिल नरेनको अलराउन्डर प्रदर्शन र क्रिस लिनको धमाकेदार ब्याटिङ मद्दतमा कोलकाता नाइटराइडर्सले आईपीएल क्रिकेटमा चौथो जित हात पारेको हो।

यो जितसँगै कोलकाता अंक तालिकाको शीर्ष स्थानमा पुगेको छ ।

कोलकाताका लागि आईपीएलको जारी १२ संस्करणको पाँचौ म्याचमा चौथो जित हो । दोस्रो तर्फ यो राजस्थानको पाँचौ म्याचमा चौथो हार हो । यो जितबाट कोलकाता आठ अंकसहित तालिकाको शीर्ष स्थानमा उक्लियो ।

त्यसो त महेन्द्र सिंह धोनी कप्तान रहेको चेन्नाइ सुपर किंग्सको पनि समान आठ अंक छ । तर ऊ रनरेटको आधारमा दिनेश कार्तिक कप्तान रहेको कोलकातासँग पछाडि परेको छ ।