‘द वर्ल्ड कल्चर आर्ट एसोसिएन अफ नेपाल’को कार्यालयमा बम भेटीएको छ । सोमबार बिहानै प्रहरीलाई सूचना आयो, ‘बसुन्धराको ओसिस क्याफे पछाडि रहेको घरमा ठूलो परिणाममा हतियार लुकाइएको छ ।’

विप्लव समूहलाई प्रतिबन्ध लगाएसँगै अवैध हातहतियारको खोजमा महानगरीय प्रहरी वृत्त, महाराजगञ्जको टोली अपरेशनमा खटियो भने काठमाडौं प्रहरी परिसर, टेकु पनि सम्पर्कमा रहेको थियो ।

अपरेशन टोली सम्भावित घरमा पुग्यो । तेस्रो तलमा रहेको ‘द वर्ल्ड कल्चर आर्ट एसोसिएन अफ नेपाल’को कार्यालयमा छिरेर प्रहरीले सबैलाई नियन्त्रणमा लियो, खानतलासी गर्‍यो तर, हतियार त भेटिएन । बरु हसिया हथौडाको चिन्ह भएको रातो झण्डाभित्र सकेट बम भने भेटिएको छ ।