३ नम्बर प्रदेशको राजधानी हेटौंडाबाट प्रकाशित दैनिक पत्रिकाले प्रदेशसभामा भएका गतिविधि, विपद् व्यवस्थापनको लागि भएको तयारीसम्बन्धी कार्यक्रम, विप्लव नेतृत्वको नेकपाको आह्वानमा गरिएको नेपाल बन्दको क्रममा मकवानपुरमा दुई सवारीमा आगजनी भएको लगायतका समाचार आजको दैनिक पत्रिकाले पहिलो पृष्ठमा छापेका छन् ।

३ नम्बर प्रदेशको बिहीबारको प्रदेशसभा बैठकमा शून्य समयमा बोल्ने सांसदहरुले सरकारले बजेट खर्च गर्न नसकेको, प्रदेशको स्थायी राजधानी र नामाकरण हुन नसकेको लगायतका गुनासो गरेका थिए । त्यसैगरी प्रदेशसभाबाट थप दुईवटा विधेयक पनि पारित भएको छ । यो सँगै प्रदेशसभाबाट पास भएको विधेयकको संख्या २८ पुगेको छ । सबै पत्रिकाले यो समाचार छापेका छन् ।

विद्युतीय कारोबार ऐनको दफा, ४७ र ४८ खारेजको माग गर्दै पत्रकारहरुले बिहीबार देशभरका जिल्ल प्रशासन कार्यालयअघि धर्ना दिएको समाचार पनि छापिएको छ ।

हेर्नुहोस् आजका दैनिक पत्रिकाको पहिलो पृष्ठ