हेटौंडासँगै जोडिएको मकवानपुर गढी गाउँपालिका–२ शिखरकटेरीमा गए राती आफू चढेको सवारीको ब्रेक फेल भएपछि ज्यान जोगाउन हामफालेका एकको मृत्यु भएको छ ।

अलकत्रा बोकेको ट्रक ब्रेक फेल हुँदा ज्यान जोगाउन हामफालेका एक भारतीय नागरिकको मृत्यु भएको मकवानपुर प्रहरी प्रवक्ता प्रहरी निरीक्षक सागर विक्रम राणाले जानकारी दिए । हेटौंडा बजारतर्फ आउँदै गरेको ना १ क ६५७२ नम्बरको ट्रक ब्रेक फेल हुँदा सो ट्रकमा सवार भारत सिलगुढीका २५ वर्षीय राम भुईयाँ ज्यान जोगाउन हामफालेका थिए । उनी गम्भीर घाइते भएका थिए ।

उनको उपचारको क्रममा मंगलबार बिहान भरतपुरको पुरानो मेडिकल कलेजमा मृत्यु भएको प्रहरी प्रवक्ता राणाले जानकारी दिए । घटनाको विषयमा थप अनुसन्धान भइरहेको प्रहरीले जनाएको छ ।