काठमाडौंमा गोरुको मासुसहित चारजनालाई प्रहरीले पक्राउ गरेको छ । पक्राउ पर्नेमा मकवानपुरका २८ वर्षीय मिलन स्याङ्ताङ, विक्रम स्याङताङ, सहित देव बमजन र मानबहादुर लामा रहेका छन् ।

उनीहरुलाई काठमाडौं महानगरपालिका–६ बौद्ध तीनचुली नाग मन्दिरबाट पक्राउ गरिएको हो । महानगरीय प्रहरी वृत्त वौद्धका प्रहरी उपरीक्षक ९डिएसपी० नरेन्द्र चन्दले गोरु काटेर मासु लैजान लागेको अवस्थामा पक्राउ गरिएको बताए ।

चन्दले घटनाबारे थप अनुसन्धान जारी रहेको बताए । नेपालमा गाई–गोरुलाई मासुजन्य पदार्थका लागि प्रतिबन्ध छ । उनीहरुलाई गौहत्या सम्बन्धी मुद्दामा कारवाही प्रक्रिया अगाडि बढाइएको डिएसपी चन्दले बताए ।