१७ औँ चलचित्र पत्रकारिता दिवसको अवसर पारेर चलचित्र पत्रकार संघ मकवानपुरले १७ औँ चलचित्र पत्रकारिता दिवसको अवसरमा २ जनालाई मंगलबार नगद राशि सहित सम्मान गरेको छ ।

चलचित्र पत्रकार संघ मकवानपुरले चलचित्र पत्रकारिता पुरस्कारबाट २०७६ बाट सञ्चारकर्मी डाक्टर नवराज लम्साललाई नगद ११ हजार १ सय ११ नगद सहित पुरस्कृत गर्नुका साथै देसल्लाहा ओढाएर सम्मान गरेको हो ।

त्यस्तै चलचित्र पत्रकारिता पुरस्कारबाट पत्रकार रोशन पराजुलीलाई पुरस्कृत गरेको हो । नेपाल समाचार पत्र र हेटौँडा सन्देश दैनिकका पत्रकार पराजुलीलाई ५ हजार नगदले पुरस्कृत गर्नुका  साथै देसल्लाहा ओढाएर सम्मान गरेको हो ।

कार्यक्रमका प्रमुख अतिथि कांग्रेस मकवानपुर सभापति एवं प्रदेश नम्बर ३ संसदिय दलका नेता ईन्द्रबहादुर बानियाँ ,प्रदेश ३ संसद प्रेम बहादुर पुलामी,न्यूनतम पारिश्रमिक निर्धारण समितिको अध्यक्षमा पराजुली ,लगायत नेपाल पत्रकार महासंघका केन्द्रीय वरिष्ठ उपाध्यक्ष बिपुल क्षेत्री लगायतले  पुरस्कार वितरण गरेका थिए ।