१२ किलो सात सय ग्राम चाँदीसहित प्रहरीले एक जनालाई धनुषामा पक्राउ गरेको छ ।

सशस्त्र प्रहरी बलले नेपालबाट अवैध रूपमा भारत लैजाँदै गरेको ७ लाख ८९ हजार तीन सय ५ रुपैयाँ बराबरको चाँदीसहित महोत्तरीका बालबोध प्रसादलाई पक्राउ गरेको हो।

प्रहरी नायव उपरीक्षक सुशीलप्रसाद पराजुलीको नेतृत्वमा खटिएको प्रहरी टोलीले चेकजाँच गर्ने क्रममा शुक्राबार जनकपुरधाम–२३ विन्दीबाट ३४ वर्षीय बालबोधलाई अवैध चाँदीसहित पक्राउ गरेको हो ।

उनले ज ३ प ६२८९ नम्बर प्लेटको मोटरसाइकलमा लुकाइछिपाइ चाँदी भारत लैजान लागेका थिए।

प्रहरीले पक्राउ परेका बालबोधमाथि थप अनुसन्धान गरिरहेको जनाएको छ।