गत हप्तामात्र अफगानिस्तानका तालिवानले ४२ जना सुरक्षाकर्मी मुक्त गरिदिएका थिए । उनीहरुलाई पनि सोही प्रान्तबाट नै मुक्त गरेको थियो । उक्त प्रान्तको क्वास तेपा जिल्ला केही महिनाअघि तालिवानहरूले कब्जा गरेका थिए । त्यस क्रममा उनीहरुले ९० जना प्रहरीलाई आफ्नो नियन्त्रणमा राखेका थिए ।

आइतबार तालिबान र अफगानिस्तानको सरकारका प्रतिनिधिहरुबीच भेटवार्ता भएको थियो । त्यस वार्ताका क्रममा भएको सहमतिबमोजिम ती सुरक्षाकर्मीलाई नियन्त्रण मुक्त गरिएको हुनसक्ने अनुमान गरिएको छ ।

अफगानिस्तान सरकारले पनि केही महिना अघि करिब ९०० तालिवानलाई मुक्त गरिदिने घोषणा गरेको थियो । हाल अफगानिस्तान सरकार र तालिवानबीच शान्तिवार्ता चलिरहेको छ । शान्ति वार्ताको अघि भएका यी नियन्त्रण मुक्तिका समाचारहरूलाई एक सकारात्मक सन्देशका रुपमा लिन सकिन्छ ।